პარტნიორები

Ubiquiti

ამერიკული ტექნოლოგიური კომპანია Ubiquiti დაარსდა Apple-ს ყოფილი ინჟინრის, რობერტ პერას, მიერ 2003 წელს.
Ubiquiti ფოკუსირებულია მაღალი წარმადობის ინტერნეტთან წვდომის უზრუნველყოფაზე, უნიფიცირებულ საინფორმაციო ტექნოლოგიებზე და next-gen სამომხმარებლო ელექტრონიკაზე. კომპანიამ მოახდინა დაახლოებით 85 მილიონზე მეტი მოწყობილობის რეალიზაცია მსოფლიოს 200 - ზე მეტ ქვეყანაში. კომპანიამ მიზნად დაისახა ყველა დააკავშიროს ყველგან და ყველაფერთან.

Ubiquiti - ის პროფესიონალური ქსელური პროდუქტების მართვა შესაძლებელია კომპანიის ცენტრალიზირებული მართვის სისტემით - UNMS, აგრეთვე, კომპანიამ შექმნა UniFi კონტროლერი - პროგრამული უზრუნველყოფა, რომელიც უზრუნველყოფს მაღალი წარმადობის ინტერნეტ კავშირს და უნიფიცირებული საინფორმაციო ტექნოლოგიების სათანადო მენეჯმენტს.

ui.com

MikroTik

MikroTik არის ლატვიური კომპანია, რომელიც დაარსდა 1996 წელს. ორგანიზაციას ჰყავს 280 - ზე მეტი თანამშრომლი. კომპანია ავითარებს როუტერების, სვიჩებისა და საპროვაიდერო უკაბელო სისტემების მიმართულებებს. MikroTik აწარმოებს აპარატურულ და პროგრამულ უზრუნველყოფებს ინტერნეტ კავშირისათვის.

1997 წელს კომპანიამ შექმნა ოპერაციული სისტემა RouterOS, ხოლო 2002 წლიდან აწარმოებს RouterBOARD აპარატურას.

mikrotik.com

KSTAR

KSTAR დაარსდა 1993 წელს, ჰყავს 3000 - ზე მეტი თანამშრომელი და აქვს 18 ოფისი მსოფლიოს სხვადასხვა ქვეყანაში. კომპანია აწარმოებს ჭკვიან გადაწყვეტებს დატა-ცენტრის ინფრასტრუქტურისათვის და ინოვაციური დიზაინის PV ინვერტორებს.

KSTAR - ის პროდუქტები უსაფრთხო, ეფექტური და საიმედოა. კომპანია ქმნის ღირებულებას მომხმარებლებისთვის - დაბალი ტექნიკური დანახარჯებით მიაღწიონ სასურველ შედეგებს.

KSTAR უწყვეტი კვების წყაროების მიმართულებით არის პირველი მწარმოებელი ჩინეთში და მეხუთე მსოფლიო ბაზარზე. PV ინვერტორების მიმართულებით იგი არის მსოფლიოში მეათე მწარმოებელი, ხოლო ჩინეთის ბაზარზე პირველი.

www.kstar.com

Yealink

Yealink არის გლობალური წამყვანი მწარმოებელი უნიფიცირებული კომუნიკაციისა და კოლაბორაციული გადაწყვეტების მიმართულებით. სპეციალიზირებულია ვიდეო საკონფერენციო, აუდიო კომუნიკაციისა და კოლაბორაციის მიმართულებით. კომპანია მომხმარებლებს სთავაზობს ოპტიმალურ გადაწყვეტილებებს ეფექტურ კომუნიკაციაში.

Yealink - ის პროდუქტებს გააჩნია ფართო ფუნქციონალური შესაძლებლობები, დახვეწილი და ერგონომიული დიზიანი და მაღალი საიმედოობა. არის ერთ-ერთი ლიდერი მწარმოებელი, რომელიც ოპერირებს 140 ქვეყანაში და პირველია მსოფლიო ბაზრის წილით IP ტელეფონების მიმართულებით. კომპანიის აქციები ივაჭრება Shenzhen - ის საფონდო ბირჟაზე.

www.yealink.com

Yeastar

Yeastar არის მსოფლიოში წამყვანი მწარმოებელი უნიფიცირებული კომუნიკაციების გადაწყვეტების მიმართულებით. კომპანია მომხმარებელს სთავაზობს როგორც ღრუბლოვან და აპარატურულ სატელეფონო სადგურის სისტემებს, ასევე სატელეფონო სისტემის პროგრამულ უზრუნველყოფებს.

კომპანიის დაარსებიდან - 2006 წლიდან დღემდე, კომპანიამ შეიძინა სტრატეგიული პარტნიორები 100 - ზე მეტ ქვეყანაში, 200 000 - ზე მეტ ორგანიზაციას უწყობს ხელს ციფრულ ტრანსფორმაციაში და სთავაზობს საკომუნიკაციო გადაწყვეტებს, ამისათვის კი იყენებს საუკეთესო პრაქტიკებსა და მიდგომებს.

www.yeastar.com

Sumitomo Electric

Sumitomo Electric არის 120 წლიანი ისტორიის მქონე გლობალური იაპონური კომპანია. დასაქმებული ჰყავს მსოფლიოს მასშტაბით 280 000 - ზე მეტი ადამიანი. კომპანიას აქვს ფართო ბიზნეს პროფილი და მოღვაწეობს ხუთ ინდუსტრიაში: ავტომობილები, საინფორმაციო ტექნოლოგიები, ელექტრონიკა, ენერგია და სამრეწველო მასალები.

კომპანიის ერთ-ერთი მთავარი მიმართულებაა საინფორმაციო და საკომუნიკაციო გადაწყვეტილებები, რაც მოიცავს ოპტიკურ-ბოჭკოვან კაბელთან დაკავშირებულ პროდუქტებს, ოპტიკური კაბელის შესადუღებელ აპარატებს და დატა-ცენტრის გადაწყვეტილებებს.

sumitomoelectric.com

UNIVIEW

2005 წელს დაფუძნებული კორპორაცია Uniview არის IP ვიდეო სამეთვალყურეო ტექნოლოგიების პიონერი და ახლა უკვე ლიდერი. Uniview იყო ერთ-ერთი პირველი IP ვიდეო სამეთვალყურეო სისტემების მწარმოებელი და ამჟამად არის მესამე უმსხვილესი მოთამაშე ჩინეთის ბაზარზე.
საწყის ეტაპზე, ვიდეო სამეთვალყურეო მოწყობილობის ნაწილებს კომპანია ყიდულობდა Hewlett-Packard - ისგან. 2011 წლიდან კი დაიწყო დამოუკიდებლად წარმოება.

Uniview - ს მიერ წარმოებულმა პროფესიონალურმა გადაწყვეტებმა მოიცვა განსხვავებული სივრცეები მთელს მსოფლიოში, ისეთი ადგილები, როგორებიცაა: სატრანსპორტო საშუალებები, პარკები, ორგანიზაციები, ქარხანა-ფაბრიკები, საწყობები, ბანკები, რეზიდენციები, სკოლები, სამედიცინო დაწესებულებები და ა.შ.

www.uniview.com

Leoch

Leoch არის მაღალტექნოლოგიური კომპანია, რომლის აქციები ჰონგ-კონგის საფონდო ბირჟაზეა გასული. კომპანია დაარსდა 1999 წელს და სპეციალიზირებულია lead-acid აკუმულატორების მიმართულებით, იკვლევს დარგს, ვითარდება და აწარმოებს პროდუქტებს. Leoch არის ერთ-ერთი ლიდერი და ჩინეთის ნომერ პირველი ექსპორტიორი კომპანია lead-acid აკუმულატორების მიმართულებით.

კომპანიას ჰყავს 10 000 - ზე მეტი თანამშრომელი, აქედან 500 - ზე მეტი ტექნიკური ოფიცერი. Leoch - ის საწარმოო ქარხანა ფარავს 1 მილიონ კვადრატულ მეტრს. კომპანიის პროდუქტები 100 - ზე მეტ ქვეყანაში ფართოდ გამოიყენება ტელეკომუნიკაციებში, მზის ენერგიაში, უწყვეტი კვების წყაროების მიმართულებაში, სასწრაფო, უსაფრთხოების, განგაშის სისტემებში და ა.შ.

leoch.com

ZTT

კომპანია ZTT 1992 წლიდან მოღვაწეობს და აწარმოებს ოპტიკურ-ბოჭკოვან კაბელებს. კომპანია არის უმსხვილესი გადასახადების გადამხდელი Rudong - ის რეგიონში და ყველაზე დიდი მწარმოებელი ქალაქ Nantong - ში. კომპანიის აქციები ივაჭრება შანხაის საფონდო ბირჟაზე.

ZTT ჯგუფი აერთიანებს 76 შვილობილ კომპანიას და ჰყავს 16 000 - ზე მეტი თანამშრომელი, მსოფლიოს მასშტაბით ოპერირებს კომპანიის 6 ქარხანა: ინდოეთში, ბრაზილიაში, ინდონეზიაში, მაროკოში, თურქეთსა და გერმანიაში. კომპანიის პროდუქცია იყიდება 160 - ზე მეტ ქვეყანაში.

www.zttcable.com

DRAKA

Draka არის ენერგიის, ტელესაკომუნიკაციო კაბელებისა და სისტემების ინდუსტრიის მსოფლიო ლიდერი იტალიური კორპორაციის Prysmian Group - ის ბრენდი. ჰყავს 19 000 - ზე მეტი თანამშრომელი მსოფლიოს 50 - ზე მეტ ქვეყანაში.

ტელესაკომუნიკაციო სექტორში კომპანია აწარმოებს ოპტიკურ-ბოჭკოვან, სპილენძის კაბელებსა და საკომუნიკაციო სისტემებს. კორპორაცია წარმოდგენილია მილანის საფონდო ბირჟაზე.

www.draka-cable.com

Etk kablo

ETK Kablo არის კაბელების მწარმოებელი თურქული კომპანია, რომლის საქმიანობის მთავარი პრინციპი გადის პროდუქციის ხარისხზე. კომპანია დაარსდა 1979 წელს, ქალაქ სტამბოლში და გახდა გლობალური ლიდერი მწარმოებელი და ექსპორტიორი კომპანია, რომელიც აკმაყოფილებს საერთაშორისო სტანდარტებსა და ნორმებს.

კომპანიას გააჩნია საერთაშორისო სერთიფიკატები: ISO 9001, ISO 14001, ISO 27001 და OHSAS 18001. ETK Kablo - ს პროდუქცია იყიდება 70 - ზე მეტ ქვეყანაში.

www.etkkablo.com

Mirsan

Mirsan არის საკომუნიკაციო, ოპტიკურ-ბოჭკოვანი და ელექტრო კარადების მწარმოებელი თურქული კომპანია. კომპანია მომხმარებელს სთავაზობს კაბინეტების ფართო არჩევანს: აუდიო და ვიდეო სისტემების კაბინეტები, შიდა და გარე გამოყენების კაბინეტები, ღია სისტემებისა და ოპტიკური სადისტრიბუციო ჩარჩოები და ა.შ.

კომპანიის კვლევისა და განვითარების გამოცდილი გუნდი ახორციელებს სხვადასხვა პროექტებს, რომელიც მორგებულია ინდივიდუალურ საჭიროებებზე.

mirsanrack.com

Synology

Synology არის ტაივანური კორპორაცია, რომელიც სპეციალიზირებულია network-attached storage (NAS) ტექნოლოგიების მიმართულებით. კომპანიის პროდუქტების ხაზს წარმოადგენს desktop, all-flash და rack-mount მოდელები.

Synology დაარსდა 2000 წელს, ჰყავს 650 თანამშრომელი, 100 - ზე მეტი რეგიონალური პარტნიორი და გლობალურ ბაზარზე 6 ოფისი სხვადასხვა ქვეყანაში. განხორციელებული აქვს 6 მილიონზე მეტი ინსტალაცია. კომპანია მომხმარებელს სთავაზობს გადაწყვეტილებების ფართო სპექტრს, რომელიც დგას ინოვაციებზე, საიმედოობასა და მომხმარებლის საჭიროებაზე.

www.synology.com

Grandway

Grandway დაარსდა 1994 წელს, კომპანია ორიენტირებულია სატელეკომუნიკაციო ინდუსტრიაზე. მისი პროდუქტების ხაზი შედგება ოპტიკურ-ბოჭკოვან ტექნოლოგიასთან დაკავშირებული მოწყობილობებისა და ინსტრუმენტებისაგან.

Grandway - ს პროდუქტები აღიარებულია მსოფლიოში წამყვანი ტელესაკომუნიკაციო ოპერატორების, ინტერნეტ სერვის პროვაიდერებისა და საკომუნიკაციო გადაწყვეტილებებში მომუშავე ორგანიზაციების მიერ.

www.grandwaytelecom.com

BDCOM

საინფორმაციო და საკომუნიკაციო კომპანია BDCOM დაარსდა 1994 წელს. დღესდღეობით BDCOM არის საკომუნიკაციო და ქსელური გადაწყვეტების ლიდერი კომპანია. კომპანიის სვიჩები, EPON პროდუქტები, როუტერები და ქსელური უსაფრთხოების მოწყობილობები ფართოდ გამოიყენება საბანკო და საგანმანათლებლო სისტემებში, სამთავრობო და თავდაცვის სისტემებში და ა.შ.

იმისათვის, რომ მომხმარებელს მიაწოდოს უმაღლესი ხარისხის პროდუქტები, BDCOM ყოველწლიურად ახორციელებს ინვესტიციას კვლევასა და განვითარებაში. მომხმარებლებისათვის უკეთესი სერვისის მიწოდების მიზნით, BDCOM - მა გახსნა 32 დიდ ქალაქში მომსახურების ცენტრები, რათა ხელმისაწვდომი ყოფილიყო მხარდაჭერა სწრაფი რეაგირების დანერგვით. კომპანიის მიერ წარმოებული პროდუქტები იყიდება მსოფლიოს უმეტეს ქვეყანაში.

bdcom.cn

Tongwei Solar

Tongwei Solar ახორციელებს მზის ენერგიის გამომუშავებისათვის საჭირო პროდუქტების კვლევასა და განვითარებას, წარმოებასა და პოპულარიზაციას. კომპანიას გააჩნია მსოფლიოში უმსხვილესი კრისტალური სილიკონის მზის უჯრედების საწარმო, აქვს ოთხი ბაზა: Hefei, shuangliu, Meishan და Jintang.

Tongwei Solar - ს ჰყავს 13 000 - ზე მეტი თანამშრომელი. კომპანიის მიერ დადგმული სიმძლავრე 54 გიგავატს აჭარბებს. Jintang - ის II და Meishan - ის III ფაზის დასრულებისა და ექსპლუატაციაში გაშვების შემდგომ კომპანიის წარმოების სიმძლავრე 70 გიგავატს გადააჭარბებს, საიდანაც დიდი ზომის უჯრედების წარმოების სიმძლავრის წილი იქნება 90%-ზე მეტი. 2026 წლისთვის Tongwei Solar - ს ექნება 130-150 GW საწარმოო სიმძლავრე.

www.tw-solar.com

 

UniPOS

სახანძრო უსაფრთხოების სისტემების მწარმოებელი კომპანია UniPOS დაარსდა 1995 წელს ბულგარეთში. კომპანია წამყვან როლს თამაშობს ხანძარსაწინააღმდეგო მიმართულებით ქონებისა და ადამიანების უსაფრთხოებაზე.

კომპანია UniPOS - ს შესრულებული აქვს 25 000 - ზე მეტი პროექტი და ჰყავს 67 000 - ზე მეტი კმაყოფილი მომხმარებელი. კომპანიას აქვს საკუთარი თანამედროვე საწარმოო ობიექტები, სადაც პროდუქტების წარმოებისას გამოიყენება უახლესი ტექნოლოგიები. კომპანიის მიერ წარმოებული პროდუქტები სრულად შეესაბამება ევროპულ და საერთაშორისო სტანდარტებს, იგი აღიარებულია მსოფლიოს წამყვანი ქვეყნების მიერ.

UniPOS ფლობს საკუთარ ლაბორატორიასა და სპეციალიზებულ ზონას პროდუქციის ტექნოლოგიური შემოწმებისთვის, სადაც მაღალკვალიფიციური სპეციალისტების მიერ ხდება წარმოებული პროდუქციის 100%- ით შემოწმება.

unipos-bg.com

UbiquitiMikroTikKSTARYealinkYeastarSumitomo ElectricUNIVIEWLeochZTTDRAKAEtk kabloNEXMirsanSynologyGrandwayBDCOM