შესრულებული პროექტები

IT ინფრასტრუქტურის მოწყობა

XlX საუკუნის კულტურული მნიშვნელობის ძეგლის „შატო მეფისქალაქი“-ს რეაბილიტაციის ფარგლებში, „ინტელკომ ჯგუფმა“ დააპროექტა და მოაწყო IT ინფრასტრუქტურა.

პროექტის ფარგლებში, კომპლექსის ტერიტორიაზე მოეწყო:

• მაღალი საიმედოობის ლოკალური ქსელი;
• მე-6 თაობის WiFi;
• IP ტელეფონია;
• სტრუქტურიზებული საკაბელო სისტემა;
• უწყვეტი კვების წყარო;

ქსელი დაპროექტდა და გაიმართა მაღალი საიმედოობის (High Availability) პრინციპზე დაყრდნობით, რაც  როუტერის და ძირითადი სვიჩის  მწყობრიდან გამოსვლის ან ინტერნეტის გათიშვის შემთხვევაში სარეზერვო ვარიანტზე ავტომატურ გადართვას გულისხმობს.

სასტუმროს შიდა და გარე სივრცეები დაიფარა UniFi-ის უახლესი სტანდარტის WiFi-ით, ხოლო უსაფრთხოებისთვის გაიმიჯნა პერსონალის და ვიზიტორების ქსელები. ცენტრალიზებულ მართვასა და მონიტორინგს უზრუნველჰყოფს UniFi Network Controller.

სასტუმროში დამონტაჟდა Yeastar-ის სატელეფონო სადგური და მსოფლიოში N1 ბრენდის Yealink-ის IP ტელეფონები, რომლებიც გამოირჩევიან თანამედროვე დიზაინით და ერგონომიულობით.

სასტუმროში მოეწყო სტრუქტურიზებული საკაბელო სისტემა და დაყენდა სადისტრიბუციო სვიჩები PoE ტექნოლოგიის მხარდაჭერით, რაც WiFi დაშვების წერტილებს და IP ტელეფონებს უზრუნველჰყოფს ელექტრო ენერგიით LAN კაბელის საშუალებით.

ტელესაკომუნიკაციო მოწყობილობების უწყვეტი ენერგოუზრუნველყოფისთვის განთავსდა KSTAR-ის On-Line UPS.

სამონტაჟო სამუშაოების დასასრულს განხორციელდა ქსელის კომპონენტების მარკირება, როუტერების და სვიჩების კონფიგურაციების ასლების აღება, სისტემის სრული ტესტირება, IT პერსონალის ტრენინგი. პროექტის დასრულების შემდეგ კი დამკვეთს გადაეცა ქსელის დიაგრამები და სახელმძღვანელო.

 „შატო მეფისქალაქი“

25 ნომრიანი სასტუმრო „შატო მეფისქალაქი“ თბილისიდან 40 წუთის სავალზე, კასპის რაიონში, სოფელ ახალქალაქში მდებარეობს. სასტუმრო კომპლექსს გააჩნია საბანკეტო ინფრასტრუქტურა, რომელსაც 300 ადამიანამდე მასპინძლობის შესაძლებლობა ექნება. საბანკეტო რესტორნის გადახურვაზე კი მოწყობილია მწვანე ტერასა, სხვადასხვა კორპორატიული ღონისძიებებისა და მიღებებისთვის.