შესრულებული პროექტები

ზუგდიდში, კომპანია „ორდუნეტისთვის“ „ინტელკომ ჯგუფმა“ დააპროექტა და მოაწყო 54 კვტ. სიმძლავრის მზის ელექტროსადგური.

პროექტი, საერთაშორისო ორგანიზაციის "USAID Business Development Service Program" საქართველოს  წარმომადგენლობის და „Gazelle Finance“-ის ფინანსური მხარდაჭერით  განხორციელდა.

პროექტის ფარგლებში დამონტაჟდა Tier 1 მწარმოებლის Tongwei Solar-ის 660 ვატის სიმძლავრის Bifacial მოდულები, რომლებიც უკნიდანაც მინით არიან დაფარული და შესაბამისად ენერგიას მეორე მხრიდანაც გამოიმუშავებენ თუ მათი ინსტალაცია ხდება ზედაპირიდან მაღლა, როგორც აღნიშნულ პროექტშია, ან გამოვიყენებთ პარკინგის მსგავსი გადახურვისთვის. შედეგად მაღალი გამომუშავების და ეფექტურობის ხარჯზე 10-15%-ით იზრდება სადგურის ჯამური გამომუშავება, ხოლო ექსპლუატაციის ვადა 30 წლამდე, რაც თავის მხრივ  იწვევს ეკონომიკურ სარგებლიანობასა და  გარემოს დაცივით ეფექტს.

პროექტისთვის გამოყენებული იქნა უწყვეტი კვების წყაროების და მზის ენერგიის სფეროში, ერთ-ერთი წამყვანი მსოფლიო ბრენდის KSTAR - ის მაღალი ეფექტურობის და საიმედოობის On-Grid ინვერტორები.

სადგური ნეტო აღრიცხვის სისტემით ჩაერთო ენერგო პროს ქსელში, რითაც ორგანიზაციას საშუალება მიეცა ელექტროენერგიის მომწოდებელ კომპანიისგან მოხმარებული ენერგია ერთი-ერთში გაქვითოს ელექტრო სადგურის მიერ გამომუშავებულ ენერგიაში.

ისტორიულ მეტეოროლოგიურ მონაცემებზე დაყრდნობით  სადგურის საპროგნოზო წლიური გამომუშავება შეადგენს 59 100 კვტ/სთ, რაც ნაწილობრივ დააბალანსებს მოხმარებას.  

შპს ორდუნეტი

„ორდუნეტი“ დაარსდა 2011 წელს. ორგანიზაციის საქმიანობას შეადგენს ინტერნეტის მიწოდება როგორც ფიზიკური, ასევე იურიდიული პირებისთვის. დღეისთვის კომპანია წარმოადგენს უმსხვილეს პროვაიდერს რეგიონის მასშტაბით. ორგანიზაციის დაფარვის ზონაში შედის სამეგრელოს რეგიონი და აფხაზეთის ნაწილი.

"USAID Business Development Service Program " საქართველო

USAID წარმოადგენს ამერიკულ საერთაშორისო ორგანიზაციას რომლის მთავარი მიზანია მსოფლიოს სხვადასხვა ქვეყნებს დაეხმაროს ისეთი მიმართულებების განვითარებაში, როგორიცაა: ჯანდაცვა, ეკონომიკა, ადამიანის უფლებები და მრავალი სხვა.

საქართველომ მნიშვნელოვანი ტრანსფორმაცია განიცადა მას შემდეგ, რაც USAID-მა პირველად დაიწყო ქვეყნის მხარდაჭერა 1992 წელს. მას შემდეგ, ამერიკელმა ხალხმა USAID-ის მეშვეობით საქართველოს $1.8 მილიარდზე მეტი დახმარება გაუწია.

35-ზე მეტი მიმდინარე პროგრამით, USAID ხელს უწყობს საქართველოს მდგრად განვითარებასა და ევროატლანტიკურ ინტეგრაციაში.

 „Gazelle Finance“

გაზელ ფაინანსი წარმოადგენს საინსვესტიციო ფონდს რომელიც მდებარეობს აშშ-ი. იგი ინვესტირებას ახორციელებს ევრაზიაში მოქმედ, მაღალი ზრდის პოტენციალის მქონე მცირე და საშუალო საწარმოებში, ძირითადად საქართველოში, სომხეთში მოდლოვასა და უკრაინაში. ფონდის კაპიტალი დაახლოებით 28.1 მილიონ აშშ დოლარს (სააქციო და სავალო კაპიტალი) შეადგენს.