ინტელკომ ჯგუფმა მარტვილის რაიონის სოფელ გურძემში, ჩელას ფერმის სახურავზე მოაწყო მიკროელექტროსადგური. პროექტში გამოყენებულ იქნა Tier 1 რეიტინგის მქონე მწარმოებლის მზის პანელები, რომლის სამუშაო რესურსი შეადგენს 30 წელს.
სადგური ჩაერთო ნეტო აღრიცხვის სისტემაში და ის სრულად უზრუნველყოფს საწარმოო პროცესებისთვის და კომპანიის კუთვნილი ელექტრომობილის დამუხტვისთვის საჭირო ელექტროენერგიის გამომუშავებას.
ჩელა აერთიანებს საქონლის ფერმას და საწარმოს, რომელიც ქართული ტრადიციული რძის პროდუქტებთან ერთად ამზადებს ევროპული ყველის სახეობებს. ვიზიტორთა სივრცეში კი შესაძლებელია პროდუქტების დამზადების პროცესის დაკვირვება.
პროექტი განხორციელდა გაეროს განვითარების პროგრამის (UNDP) და არასამთავრობო ორგანიზაციის „ვიზრუნოთ ერთად“ მხარდაჭერით.
